Во Србија се појави нова дрога, ја викаат „блади мери“ и „јагода“

Низ улиците на Србија се појави нова дрога, објави РТС. Според нивното пишување, станува збор за психоактивна супстанца која има стопати посилно дејство од марихуаната.

Ефектите на синтетските канабиноиди се слични на марихуаната, но имаат стопати посилно дејство и се појавуваат десет минути по конзумирањето на дрогата. Се јавува црвенило на очите и конјуктивит, забрзан пулс, сува уста, промена на расположението и перцепцијата.

Последиците се чувствуваат и наредните денови, а ефектот во континуитет трае шест часа. Користењето на тие супстанци во светот е поврзано со зголемен број смртни случаи, но и самоубиства, јавува РТС.

„Има голем ризик од срцев удар, откажување на бубрезите, проблеми со дишење. Не знаеме точно под кое име се продава на улиците, бидејќи има преку 600 термини. Најчесто се среќава под името „јагода“ и „блади мери“. Важно е да се знае дека конзумирањето може да предизвика опасни последици по здравјето“, вели Јелена Јанковиќ од Комисијата за борба против дрога на Министерството за здравство.