Во Србија викендов ревакцина на македонски граѓани со Астра Зенека

Денес и утре во вакциналните пунктови во Ниш и Белград се спроведува ревакцинацијата на македонските граѓани  кои во март таму примија прва доза од „Астра Зенека“. Втората доза од вакцината ќе ја добијат во градот каде што биле вакцинирани првиот пат.

Акцијата за имунизирање на бизнисмените се врши преку соработка на стопанските комори на двете земји, во рамките на Коморскиот инвестициски форум, преку кој биле обезбедени 10.000 вакцини за бизнисмени од Западен Балкан. Претставниците на бизнис секторот се имунизираат во салата „Чаир“ во Ниш.

Автомотосојузот на Македонија утрово информираше дека за излез од државата на граничниот премин „Табановце“ се чека од 30 до 40 минути.

фото:Стопанска комора на РСМ