Во среда навечер во Гостивар промоција на новата стихозбирка од Дејан Крстески

Поетот и писател Дејан Крстески во среда (23 октомври) ќе ја промовира својата нова стихозбирка „Херои од хартија“ пред љубителите на пишаниот збор во Гостивар. Низ страниците на книгата поместени се 37 песни, кои ги допираат темите за смислата на животот, човековата душа, неопходноста од постојана борба како со општествените состојби, така и со себе си…

„Движејќи се низ многу мисловни одредници авторот, пред читателот создава еден поинаков свет-свет исполнет со копнеж, вистина, трагања по егзистенцијалното, како и жртвување за љубовта.“, наведува рецензентот на збирката Киро Кипроски, кој ќе има свое обраќање и на промоцијата.

Модератор на настанот ќе биде Константина Ѓурковиќ, а стихови ќе чита Билјана Дејановска. Промоцијата ќе се одржи во Центарот за култура АСНОМ во Гостивар, со почеток во 19 часот.