Во средните училишта во Гостивар за упис предвидени 1.555 места

Министерството за образование го објави конкурсот за упис во средните училишта за учебната 2021/2022 година. Според конкурсот во четирите средни училишта во Гостивар предвидени 1.555 места за полуматурантите, што е намалување за околу 400 споредено со претходно.

Првото пријавување и запишување на учениците ќе се врши на 14 јуни 2021 година во период од 12 часот до 19 часот, на 15 и 16 јуни 2021 година во период од 7 часот до 19 часот и на 17 јуни 2021 година во период од 7 часот до 15 часот, согласно изготвен распоред од страна на училиштето. Второто пријавување и запишување на учениците ќе се врши на 23, 24 и 25 јуни. Третото пријавување и запишување на учениците ќе се врши на 30 јуни.

Како што е наведено во конкурсот за упис во средно, при пријавувањето, учениците треба да ги поднесат следните документи:

-пријава за запишување (пријавата за запишување ученикот ја подигнува од училиштето во кое ученикот сака да се запише и истата е бесплатна);

-оригинални свидетелства од VI до IX одделение;

-дипломи, (доколку имаат) од освоени (I, II и III) места од меѓународни и државни натпревари

-извод од матичната книга на родените (без оглед на датумот на издавањето).

Целиот конкурс на следниот ЛИНК