Во станица за технички преглед во Гостивар сакал да си го запали возилото, а полеал со бензин и вработен

СВР Тетово информира дека полициски службеници на Одделение за внатрешни работи Гостивар денеска (22 јануари) околу 10 часот и 30 минути го лишиле од слобода 44 годишниот И.Р. од Градец.

Според пријавеното тој се сомничи дека во објект за технички преглед во Гостивар, најпрво со бензин полеал еден од вработените, а потоа и своето возило, по што со запалка се обидел да го запали возилото. „Според пријавеното, исто така, И.Р. бил незадоволен од услугата што ја барал, но во намерата да го запали возилото бил спречен и совладан од неколку лица присутни во објектот.“, соопшти полицијата.

Извршен е комплетен увид, тој е задржан во Полициската станица Гостивар и во координација и консултација со јавен обвинител се преземаат мерки за целосно расчистување и документирање на случајот.