Во Струга забрането шетање по костими за капење низ центарот

Општина Струга забрани движење со костими за капење во централниот дел од градот. Струшката локална власт ги повика граѓаните и туристите да ја почитуваат забраната и ги замоли да не покажувале голотија низ шеталиштето.

„Заради почитување на јавниот ред, особено за време на летната туристичка сезона, низ централното шеталиште (од Чаршискиот мост до Зелениот пазар), се забранува шетање во бикини и гаќички за плажа во текот на целиот ден. Ги замолуваме сите гости и туристи кои се разладуваат на езерото или на Црн Дрим, да ги почитуваат правилата на доброто однесување и на јавниот ред, со непокажување голотија на јавни места и простори. Вашето однесување е слика за градот, затоа сите заедно треба да се обидеме да ја зачуваме позитивната слика на една туристичка дестинација како што е Струга.“, наведоа од општината.

Реакциите на граѓаните и јавноста за овој потег се различни, едно одобруваат, други се противат. Од советничката група пак, на ВМРО ДПМНЕ во струшкиот совет со став дека вакви забрани може да се носат само со одлука на советот или ако се определени во посебни програми.