Во судир на голф со гостиварски таблици и мерцедес со тетовски повредени 3 лица

Вчеравечер (14 декември) во 21 часот и 45 минути во СВР Тетово пријавена е сообраќајна несреќа која се случила на улица „Илинденска“ во Тетово, во која учествувале две патнички моторни возила: „фолксваген голф“ со гостиварски регистарски ознаки, управуван од 58-годишниот гостиварец М.П. и „мерцедес“  со тетовски ознаки што го управувал 42-годишниот Б.А. од тетовска Голема Речица.

Ккао што соопшти СВР, во несреќата, сопатничката од возилото „мерцедес“, Р.С. на возраст од 54 години се здобила со тешки телесни повреди, а другите двајца сопатници од истото возило со полесни телесни повреди, констатирани во тетовската Клиничка болница. На местото на несреќата увид извршила екипа од СВР Тетово.