Во супер возбудлив натпревар КК Гостивар загуби од Академија ФМП

Во супер возбудлив натпревар во „Младост“, кошаркарите на Академија ФМП ја совладаа екипата на КК Гостивар со резултат 64-70.

Гостиварци водеа само во воведните минути од натпреварот со 2-0 и 6-5, во останатиот дел ФМП успеаваше да ја одржи предноста. Гостите од Скопје по првите 10 минути имаа предност од (10-19) на паузата се замина со резулат 28-36.

Третиот период им припадна на домаќините добивајќи го (20-18), во последниот квартал Гостивар максимално притискаше успевајќи и да израмни на 7 минути пред крајот (54-54), но во клучниот момент со лесно загубена топка не успеа да стигне до целосен резултатски пресврт, по што кошаркарите на ФМП останаа присебни во финишот на натпреварoт, поставувајќи го крајниот резултат 64-70.

Ајви со 24 поени беше најпрецизен кај ФМП, додека Дејли со 21 поен најпрецизен кај гостиварци.