Во тек е пријавување за вадење на светиот крст на Водици во Гостивар

На 19 јануари претстои големиот христијански празник Богојавление-Водици, кој во Гостивар секоја година се прославува масовно, со литија низ градските улици и положување на светиот крст во Вардар.

Иницијативниот одбор за чествување на празникот информира дека сите заитересирани за вадење на чесниот и животворен крст од водите на Вардар може да се пријават на:  078-998-554 или 070-388-427.

Инаку, церемонијата започнува во 11:30 часот од пред храмот „Успение на Пресвета Богородица“, од каде тргнува литијата и завршува на кејот на Вардар, каде што ке се одржи чинот на осветување на богојавленската вода и полагање на светиот крст.

Богојавление – Водици народот го празнува како еден од најголемите христијански празници. На тој ден Исус Христос е крстен од Свети Јован Крстител, во реката Јордан. Со тоа се укажува на значењето на крштевањето како една од светите тајни на христијанството. Крштевањето значи и духовно раѓање, односно почеток на човековото живеење во верата.