Во водите на Вардар пронајдено е и телото на гостиварецот по кое се трагаше

Безживотното тело на гостиварецот го пронашле граѓани и полициски службеници и било извлечено од Вардар околу пладне, меѓу селата Форино и Чегране. Лекарска екипа констатирала смрт, а по наредба на јавен обвинител ќе се врши обдукција.

Како што веќе објавивме, ноќеска околу полноќ, граѓани во СВР пријавиле дека женско и машко лице завршиле во надојдените води на Вардар во Гостивар. Телото на девојката беше пронајдено околу 3 часот после полноќ.

Идентитетот на двајцата починати е познат на полицијата. Околностите за трагедијата ќе се утврдуваат.