Во возбудлив натпревар КК Гостивар загуби од КК АВ Охрид

Во драматичен натпревар, во вистинска спортска атмосфера КК Гостивар го доживеа првиот пораз на домашен терен сезонава. Загуби од КК АВ Охрид 89:94.

Натпреварот започна со минут молчење, почит кон денеска починатиот градоначалник на Охрид, Јован Стојаноски.

Уште во првата четвртина можеше да се забележи дека „шкрипи“ одбраната на КК Гостивар примија дури 28 поени (26:28). Но, во втората четвртина заиграа домаќините и ја презедоа предноста на полувреме се замина со резултат (50:43).

И третата четвртина им припадна на гостиварци, иако гостите во ниеден момент не се предадоа, максимално ја користеа слабата одбрана на КК Гостивар (77:70), во последните 10 минути веќе беше доцна за промена на мекиот пристап со кој играше вечерва домашната екипа, избрзаните шутеви, неостварување на зацртаното кошаркарите на КК Охрид максимално го искористија. Ја забележаа првата победа против КК Гостивар во Гостивар.

Ивица Димчевски беше најрасположен кај домашната екипа постигна 20 поени, Костоски 19, Тасоски и Фурстингер по 15. Кај гостите Хил постигна 20 поени.

КК Гостивар со победа имаше можност да избие на третата позиција на табелата пред гостувањето кај Работнички во следното коло. Сега се на четвртата позиција со ист број на бодови како Работнички и Фени Индустри.