Во земјава 62 новозаболени, Општина Врапчиште со 2 нови позитивни на коронавирус

Во последните 24 часа направени се 771 тестирања, а регистрирани 62 нови случаи на ковид-19, соопшти Министерството за здравство.

Најмногу новозаболени по региони има во Скопје (24), Тетово (12) и Штип (14). Регионот на Гостивар денес е со евидентирани 3 случаи. Според информациите кои ги добивме од  гостиварските медицински служби, сите пациенти се од подрачјето на Општина Врапчиште, од кои два се новорегистрирани, а во оваа статистика е запишана и пациентката која почина во гостиварската болница на 29 мај.

На територијата на Општините Гостивар и Маврово Ростуше изминатите 24 часа, нема нови потврдени случаи на коронавирус.

Денеска Институтот за јавно здравје регистрира 17 оздравени пациенти, по региони од:

– Скопје 5, Куманово 1, Тетово 9, Битола 1, Гостивар 1

Вкупната бројка на ковид дијагностицирани во нашата земја од почетокот на епидемијата изнесува 2226, бројката на оздравени пациенти е 1552, на починати е 133, а во моментов бројот на активни случаи во земјата изнесува 541.