(ВО ЖИВО) Одбројувањето во тек: Леталото на НАСА денеска полетува на своето патување околу Месечината – Еве што треба да знаете

„Aртемис I“ е првиот интегриран тест на системите за истражување на длабоката вселена на НАСА.

За време на овој лет, леталото ќе отиде подалеку од кое било вселенско летало направено од човек досега. Ќе патува 450.616 километри од Земјата, илјадници километри подалеку од Месечината за време на мисијата што ќе трае околу четири до шест недели.

SLS и ORION ќе се подигнат од комплексот за лансирање 39B во модернизираниот вселенски полигон на НАСА во вселенскиот центар Кенеди во Флорида.

Денешното лансирање е прво од шест мисии на Месечината кои се планирани до 2028 година. За време на мисијата „Артемис 1“ во вселенскиот брод Орион нема да има екипаж. Оваа мисија е безбедносен тест, но следните треба да бидат со екипаж. Програмата „Артемис“ е покрената во 2017 година и со неа треба да бидат обновени патувањата во вселената. Се работи за заеднички проект на агенциите НАСА и ЕСА, како и вселенски агенции од други земји.

НАСА ќе го пренесува настанот во живо на социјалните мрежи, а лансирањето се очекува во 14:33 часот по наше време.

Во соработка со Е наука