Водата од водоводот во Гостивар загадена со бактерии, не е безбедна за пиење

Јавното претпријатие Комуналец-Гостивар попладнево информира дека водата од градскиот водовод микробиолошки не е безбедна за пиење.

„Врз основа на најновите микробиолошки анализи, со жалење ве известуваме дека водата од јавниот водовод моментално не е безбедна за пиење. Микробиолошките тестови открија присуство на колиформни бактерии и ешерихија коли (E. coli), кои можат да претставуваат сериозни здравствени ризици.“, стои во соопштението.

Комуналец понатаму ги дава следните совети до граѓаните: Да избегнуваат употреба на вода од јавната водоводна мрежа, да користат флаширана вода за пиење и готвење и да ги следат  информациите за состојбата додека тие работат на решавање на проблемот и обезбедување на безбедно водоснабдување.