Возбудата и придобивките од екстремните спортови

Пролет, лето, есен, зима – секогаш е вистинско време за екстремни спортови. Некои ќе се одлучат за скијање и сноуборд по црни патеки, некои за скокање со падобран или банџи, некои за нуркање во длабоко море меѓу опасните морски суштества или за рафтинг по бурна река. Постојат десетици видови на екстремни спортови, а оние кои еднаш ги пробаат најчесто се „зависни“ од нив.

Екстремните спортови ни помагаат да се „ресетираме“

Опасните спортови бараат целосно внимание, што значи дека ни даваат можност барем на неколку часа да не размислуваме за работата и за проблемите и обврските што ги имаме надвор од неа. Освен тоа, луѓето кои се зависни од овие адреналински авантури обично поминуваат многу време усовршувајќи ги техниките и вештините, па дури и техниките на дишење, што исто така бара време и максимална концентрација. На овој начин мозокот целосно се олеснува, мислите стануваат појасни по неколку часа, а расположението е неспоредливо подобро.

Надминувањето на стравот дава неверојатно чувство на задоволство

Екстремните спортови, меѓу другото, се одличен начин за борба против лошото расположение и анксиозноста. Совладувајќи нова вештина, нашиот мозок лачи неколку хормони речиси истовремено, првично, тоа е адреналин и кортизол, бидејќи сме свесни дека правиме нешто опасно и затоа што се плашиме. А кога ќе успееме да го победиме стравот и да се победиме себеси, се ослободуваат хормоните на среќата ендорфин, серотонин и допамин, кои автоматски ни го подигнуваат расположението и ги бркаат лошите мисли.

Зависноста е целосно оправдана и има научно објаснување

Бидејќи за време на екстремните спортови се лачат низа хормони, сосема е јасно од каде доаѓа зависноста од нив. Секое следно нуркање, возење со мотор, скијање или бордање по снежна падина или скокање од авион со падобран го „храни“ нашиот мозок со возбудливи чувства, а како одговор лачи хормони кои не принудуваат да продолжиме да го правиме тоа. И не само да продолжи да го практикува истиот спорт, туку и да проба можеби нешто поинакво, можеби уште поекстремно.