Гостивар
Возење без дозвола, честа појава во Гостивар-374 казни за половина година
Според статистиката на Секторот за внатрешни работи Тетово, на гостиварското подрачје вкупната бројка на лица кои управувале возила без дозвола и биле санкционирани во изминатите шест месеци од оваа година изнесува 374. Во истиот период биле откриени и 67 возачи-почетници кои целосно не се придржувале на ограничувањата предвидни за оваа категорија учесници во сообраќајот.
На поширокото тетовско подрачје, пак вкупно биле откриени и законски санкционирани 905 лица кои управувале возила без положен возачки испит и дозвола, како и 287 возачи-почетници.
Сите кои управувале без возачки дозволи веднаш се исклучени од сообраќај и изготвени им се соодветни поднесоци, така што согласно член 225 од Законот за безбедност на сообраќајот на патиштата, тие ќе се соочат со парична глоба од 250 евра во денарска противврденост, а истото се однесува и на возачите-почетници, кои согласно член 227 од истиот Закон ќе треба да платат глоба од 200 евра во денарска противвредност.
Секторот за внатрешни работи Тетово уште еднаш потсетува дека не треба да се седнува зад волан без положен возачки испит, зашто на тој начин се доведува во ризик сопствената и безбедноста на другите учесници во сообраќајот. До почетниците повторно се апелира целосно да ги почитуваат законски предвидените ограничувања, дотолку повеќе што и едните и другите летово се приоритетен фокус на секојдневните контролни активности на ова подрачје, редовни или акциски.
СВР Тетово им укажува и на сопствениците на моторни возила да не им ги даваат на управување на лица кои немаат возачки дозволи, бидејќи во спротивно и ним ќе им бидат изготвени поднесоци и ќе им следува парична глоба од 250 евра во денарска противвредност.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник
-
Видео емисиипред 3 месеци
Емисија: НОВОГОДИШНО „НАРАЧАНО“ ИНТЕРВЈУ со Дедо Мраз | Gostivarpress.mk