Возило излетало од патот Гостивар-Кичево, тешко повредени две лица

Ноќеска, еден часот по полноќ регистрирана е сообраќајна несреќа на магистралниот пат Гостивар – Кичево, на почетокот од Новоселскиот мост.

Како што соопшти МВР, 53 годишниот Е.А. од село Јагол-кичевско управувајќи патничко моторно возило „БМВ“ со австриски регистерски ознаки, излетал од коловозот. Возачот и неговата сопатничка 40 годишната Ѓ.А. се здобиле со тешки телесни повреди и со возило на Итна медицинска помош биле пренесени во гостиварската општа болница, а потоа биле пренесени на скопските клиники.

Извршен бил увид на местото на настанот и се работи на целосно расчистување на настанот, извести МВР.