Врапчиште: Шабани освои 41,38% од гласовите, Реџепи 34,58%

Во Општина Врапчиште во втор круг на Локалните избори влегуваат кандидатите за градоначалник од Алијанса/Алтерантива, Исен Шабани и од ДУИ, Неби Реџепи. Државната изборна комисија по обработени сите 39 избирачки места, објави дека Шабани освоил  3.946 гласа (41,38%), додека Реџепи 3.298 (34,58%).

За кандидатот на ДПТМ, Рефик Мустафи гласале 1.324 граѓани, за Сенад Амети од БЕСА 309, за Џезми Мамути од СДСМ 267, независниот кандидат Шаќир Ислами освои 115 гласа, додека Ирфан Шерифи од ДПА 30.

Излезноста на изборите за градоначалник на Врапчиште изнесува 36,15%. Вкупно гласале 9.537 граѓани. За неважечки се прогласени 248 ливчиња.