Поврзи се со нас

Вести

Врбен на пат да стане свето место за астрономите

Објавено

на

 

„Како мештанин од Врбен среќен сум што потекувам од местото кадешто се родил Паскал. Роден во едно сиромашно, но прекрасно семејство тој успеал да прересне во светски познат научник. Треба секогаш да бидеме благодарни што преку него селото се прославува. Врбен е препознатлив  по хидроцентралата, а сега и по големиот Паскал Сотировски“, со овие зборови Владо Глигоровски, претседател на Здружението „Паскал Сотировски“  го отвори одбележувањето на 90 години од раѓањето на големиот астрофизичар од горнореканското село Врбен.

Спомен плочата во чест на професорот на Сорбона беше подигната летово, а вчера на датумот на неговиот роденден тука се собраа жители на селото, негови пријатели и соработници да се потсетат на неговите научни достигнувања, но и на неговата скромна и добра душа.

„Убавината на природата се отсликува во убавината на луѓето што живеат тука. Врбен има моќна, а питома природа што сосема одговара на човек каков што беше Паскал. Такви особини ретко се среќаваат во едно тело и душа. Од една страна моќ на мислата и визија, посветена на истражување на космосот, а од друга страна питомост и добродушност“, нагласи во своето излагање писателот д-р Александар Прокопиев кој со Паскал имал средби и дружење во Париз.

Неговите впечатоци за астрофизирачот од светски ранг ги дели и професорот на економскиот факултет д-р Љубомир Кекеновски потенцирајќи дека уште при првиот контакт со Паскал можела да се забележи неговата човечност и подготвеност да помага. „Импресионира тоа што можеше да се забележи едноставна  човечка македонска душа, која бараше луѓе на кои може да им се помогне во големиот град, Париз. Тоа беше непроценливо богатство за еден човек како мене и за други, да  сретнат успешен Македонец кој е подготвен да помага. Само на Македонецот како научник му се дава тоа внимание да влезе во тајната на староста на Сонцето“.

Свое видување и обраќање на одбележувањето имаше и публицистот Ставре Џиков, кој пред присутните не го криеше воодушевувањето од делото на Паскал, неговата посветеност на науката, големината како човек и ум.

Настанот заврши со положување на цвеќе пред спомен плочата, поставена на објектот на селското училиште. Од таму се испрати порака, родното место на светски познатиот научник, Врбен да стане свето место за астрономите.

Паскал Сотировски (1927-2003) дипломирал астрофизика во 1964 година, а во 1971 година докторирал на тема од областа на физиката на Сонцето. Бил професор на престижниот Универзитет Сорбона во Париз, член на Францускиот Национален центар за научни истражувања, член на Одделението за соларна и планетарна астрономија на Франција, член на МАНУ. Како астрофизичар негова специјалност била разоткривање на тајните на најсветлата ѕвезда Сонцето и истражување на сончевите дамки и ерупции. За својата научна работа се стекнал со високи признанија во светските научни кругови.

 

Маркетинг

Advertisement
Advertisement

Огласи за вработување:

Македонијапред 1 час

Македонија дел од кампања на Амбер Алерт Европа-Како да се постапи при исчезнување на дете

Гостиварпред 2 часа

Света архијерејска Литургија во бигорскиот скит во Битуше посветен на браќата Кирил и Методиј

Парламентарни избори 2024пред 2 часа

Гласаат болни, немоќни и затвореници пред утрешното прегласување за парламентарните избори во 7 избирачки места

Македонијапред 3 часа

Одземен имунитетот на врховниот судија Георгиев, одобрен е и негов притвор

Технологијапред 16 часа

Топ 5 технолошки новитети кои доаѓаат во блиска иднина

Македонијапред 17 часа

Уапсен судија од Врховен суд поради сомневање за мито

Гостиварпред 18 часа

Ноќеска во Добридол лишени од слобода машко и женско лице поради физичка пресметка

Спортпред 19 часа

Манчестер сити четврти пат по ред шампион на Англија

Македонијапред 19 часа

Поевтинуваат бензините и дизелот

Гостиварпред 2 месеци

Света архијерејска Василиева литургија во Гостивар со гости од Србија и чин на ракоположување

Гостиварпред 2 месеци

Со љубов и почит кон корените – „Танец“ одржа концерт во Гостивар

Гостиварпред 4 месеци

Водици 2024 Гостивар: Осветени водите на Вардар – Бог се јави, Навистина се јави!

Гостиварпред 5 месеци

Ангелчињата во Гостивар го најавија Христовото раѓање-Бадникова поворка 2024

Спортпред 5 месеци

По првиот круг од сезоната КК Гостивар „виси“ на 8-та позиција на табелата

Спортпред 5 месеци

Кехинде од пенал му пресуди на Македонија Ѓорче Петров 1-0

Гостиварпред 9 месеци

Стефановски: Гостивар одличен како домаќин и публика, благодариме од срце!

Спортпред 9 месеци

ФК Гостивар загуби на домашен терен од Силекс 1-2

Гостиварпред 10 месеци

Осветена црквата „Св.Климент Охридски“ во Пожаране: Да го чуваме православието, секој храм е парче небо на земјата!

Advertisement

Популарно изминативе 100 дена