Време е за слабеење: Салати кои заситуваат, а не ве дебелеат

Пролетта се смета за сезона кога најголемиот дел од оние кои имаат проблеми со тежината, се обидуваат да симнат некој килограм. Треба да се знае дека брзите диети и наглото слабеење, му штетат на здравјето и дека најдобро е да воведете здраво мени со храна која ги има сите потребни витамини и минерали, но е нискокалорична.

Салатите кои освен зеленчук и овошје, содржат и некои немасни, а хранливи намирници плус се вистинскиот избор за намалување на килограмите на здрав начин.

Во продолжение рецепти за неколку такви салати. Подготовката за сите е иста: измешајте ги сите состојки убаво, на крај ставете ги зачините и уживајте во комплетен оброк кој ќе ве засити, без да ве дебелее.

Шарена салата со пилешко

2 изрендани моркови

неколку листа марула

грст иситнети бадеми

150 до 200 гр. варено и исецкано пилешко месо

5-6 чери домати

Сол, маслиново масло, лимон, црн бибер

Салата со печурки

250 гр. обарени иситнети печурки (шампињони, буковка)

2 чешниња лук, исецкани

китка магданос

1 исецкана краставица

Сол, маслиново масло, лимон, црн бибер

Мексиканса салата

300 гр. црвен грав

1 сецкана зелена пиперка

1 сецкана чили пиперка

2-3 лажици пченка

млад кромид

сол, лимон, маслиново масло