Временска прогноза за Гостивар – Се враќаат врнежите, сонце кон крајот на неделата

По топлиот и стабилен викенд, во новата работна недела на подрачјето на Гостивар повторно ќе има врнежи од дожд и заладување.

Денес, понеделник, во претпладневните часови времето ќе биде сончево со мала до умерена облачност и со засилен јужен ветер. Облачноста ќе се зголеми попладне кога и се очекуваат врнежи од дожд и грмежи. Температурата ќе се движи од 13 до 24 степени.

Истите временски услови ќе се задржат и утре, вторник, со чести грмотевици. Утринските температури ќе бидат 12, максималните 24 степени. Во среда ќе биде променливо облачно со умерен ветер и повремени сончеви периоди, без врнежи од дожд.

Во четврток и петок ќе се врати сончевото време, температурите ќе се движат од 13 до 25 степени.