Временска прогноза за новата работна недела

Во текот на денешниот ден, ќе владее сончево време со мала локална облачност, која кон крајот на денот ќе се зголеми. Ќе дува слаб до умерен ветер од јужен правец, а температурата во гостиварскиот регион ќе достигне 14 степени.

Утре (вторник), според прогнозата на метеоролозите ќе настапи дестабилизација. Не‘ очекува претежно облачно време со врнежи од дожд, особено претпладне. Попладне облачноста делумно ќе се намали и врнежите ќе престануваат. Температурата ќе опадне и максималната ќе биде 11 степени.

Од среда ќе почне затоплување и пораст на дневната температура, која ќе достигне до 20 степени. Ќе биде стабилно, без услови за врнежи. Овие временски прилики ќе се задржат до петок.