Временска прогноза за новата работна недела

Облаци и дожд во прогнозата на метеоролозите за деновите од новата работна недела. Времето денес (понеделник) ќе биде умерено до значително облачно со повремени врнежи од дожд кои ќе започнат во пладневните часови во западните делови. Ќе дува слаб до умерен ветер од јужен правец. Температурата во гостиварскиот регион ќе се движи во интервал од 3 до 11 степени.

Во вторник и среда ќе владее променливо облачно време со повремен локален дожд претежно во планинските делови. Максималната дневна температура ќе достигне 10 степени. За четврток се прогнозира облачно време, без врнежи, додека во петок преку ден ќе биде облачно, а навечер се очекува дожд. Промени во температурата нема да има.