Временска прогноза за работната недела во Гостивар

Шаренило од временски прилики во новата работна недела во гостиварскиот регион.

Денес понеделник, Сонцето изгреа во 7 часот и 2 минути, а ќе зајде во 16.29 часот. Метеролозите најавуваат периодични врнежи на снег и ветровито време, температурите ќе се движат од -6 до 2 степени. Во вторник се очекува делумно сончево време, со температури од -7 до 2 степени. Во среда ќе настапи сончево и ведро време кое може да предизвика топење на снегот, со температури од -6 до 4 степени. Четврток се очекуваат локализирани и периодични врнежи од дожд, температурите ќе се движат од -4 до 6 степени. За во петок, повторно се најавуваат локализирани врнежи од дожд, минималната температура ќе достигне до 1 степен, а максималната до 6 степени.

Во Маврово, за наредните пет дена, метеоролозите прогнозираат  врнежи од снег и ниски температури, кои ќе се движат од -12 до 1 степен.