Временска прогноза за работнава недела

Првата работна недела во оваа нова 2021 година ни носи време проследено со дожд, облаци и можни врнежи на снег кон крајот на неделата.

Денес во утринските часови минималната температурата достигна до -1 степен, а максималната во текот на денот ќе достигне до 8 степени. Ќе биде облачно, со услови за дожд со слаб ветер од  западен правец.

За утре, вторник метеролозите прогнозираат врнежите да престанат и ќе преовладува претежно облачно време со кратки сончеви периоди. Температурите ќе се движат од 4 до 12 степени.

Во среда и четврток влажните бранови ќе се засилат, по што се очекува обилни врнежи од дожд кои во петок, во утринските часови метеролозите прогнозираат да преминат во снег. Температурите ќе се движат од 0 до 8 степени.