Временска за Гостивар: Дождливо во текот на целата работна недела

Понеделничниот ден, кој започна со дожд, најавува нестабилна и врнежлива работна недела. Минималната утринска температура во Гостивар беше 7 степени, додека дневната ќе достигне 15. Во текот на целиот ден ќе владее значително облачно време со обилни врнежи од дожд. Ќе дува умерен до засилен ветер, претежно од југозападен правец.

Интензивни врнежи од дожд не` очекуваат и утре (вторник), за кога метеоролозите најавуваат и грмежи и заладување. Температурата ќе се движи во интервал од 5 до 13 степени.

Врнежите ќе се задржат до крајот на работната недела со повремени облачни периоди и можни грмотевици. Температурите ќе се движат од 6 до 16 степени.

Доколку излегувате пеш, не заборавајте да си понесете чадор.