Времето во новата работна седмица студено и суво

Времето денеска (понеделник) ќе биде сончево со мала локална облачност, со можна појава на магла по одделни котлини во утринските часови. Како што информираат од УХМР, ќе дува слаб до умерен ветер од северен правец, поизразен долж Повардарието. Температурата во гостиварскиот регион ќе се движи од 1 до 17 степени.

Утре (вторник) наутро ќе владее студено време со услови за слаба магла по котлините. Во текот на денот времето ќе биде сончево со максимална температура од 16 степени.

Во среда и четврток, според прогнозите нѐ очекува сончево време со мала облачност и со слаб ветер од југоисточен правец. Максималната дневна температура ќе достигне 15 степени.

Во петок времето ќе биде сончево, без промена на температурата.