Врнежи од дожд и снег оваа работна недела во Гостивар

Времето во гостиварскиот регион во оваа работна недела ќе биде претежно облачно со повремени врнежи од дожд и од снег.

Температурата денес (понеделник) ќе се движи од -2 до 3 степени. Ќе дува умерен северен ветер. Во попладневните часови се очекуваат локализирани врнежи од дожд. Во вторник, ќе има слаби снежни врнежи и пад на утринската температура до -8 степени, додека дневната ќе се движи околу 4 степени над нулата.

Во среда и четврток ќе биде умерено облачно и студено со слаб северозападен ветер. Во среда утринските температури се уште ќе бидат неколку степени под нулата, додека во четврток ќе се искачат во позитива. Метеоролозите за петок прогнозираат претежно облачно време со температура од 1 до 6 степени.