Врнежливо и посвежо време во новата работна седмица

Времето денес (понеделник) ќе биде променливо облачно со сончеви периоди. Попладне претежно во западните и југоисточните делови од земјата ќе има локална појава на краткотраен пороен дожд и услови за ретки грмежи. Ќе дува слаб до умерен ветер од северен правец. Максималната температура во гостиварскиот регион ќе достигне 19 степени.

Утре (вторник) се очeкува променливо облачно и посвежо со повремен дожд. Наместа ќе има изолирана појава на пообилен дожд и услови за појава на ретки грмежи.

Од среда до петок, според прогнозите, ќе владее умерено до значително облачно време со повремен локален дожд и услови за ретки грмежи. Ќе дува слаб до умерен, а наместа долж Повардарието краткотрајно засилен ветер од јужен правец.