Во врска со пожарот приведени 5 лица на територија на СВР Скопје и СВР Тетово, меѓу кои и поранешен министер, 11 лица се во 48 часовен притвор

Министерот за внатрешни работи Панче Тошковски денеска соопшти дека досега е извршена обдукција на околу 15 лица кои настрадаа во дискотеката во Кочани.

Увидот уште се врши, рече Тошковски, а 45 лица се во критична состојба и се транспортираат во странство.

Приведени се пет лица на територијата на СВР Скопје и  СВР Тетово, меѓу кои и поранешен министер, како и 11 лица во СВР Штип кои се во краткотраен притвор од 48 часа.

-Македонија нема систем со правила на игра кои би превенирале ваков ужасен настан. Имаме системски слабости кои оневозможуваат контрола, констатиравме дека системот во Македонија е корумпиран на тоа ниво што можеме да кажеме дека има катастрофална состојба на постапување на институциите.

Најави и дека и денеска ќе бидат приведени голем број лица од различни институции меѓу кои и МВР

Според министерот Тошковски, пиротехничките средства кои беа причина за пожарот, ги донел бендот ДНК.

– Концертот било одржан на диво, без писмен договор со изведувачите, истакна Тошковски

Во диското имало 500 лица на продадени 250 билети.