ВРСКА ЗА РАБОТА – Нова можност за компаниите и невработените од Полог!

Денеска 1 јуни, официјално стартува со работа новата онлајн платформа, специјализирана за огласи за вработување во полошки регион – Vrskazarabota.mk

Модерна алатка која треба да им помогне на компаниите да ги пополнат работните позиции за својот бизнис, креирајќи го најдоброто решение и обезбедувајќи ги најсоодветните кандидати за работните места.

Од друга страна, платформата нуди одлична можност за невработените кои бараат работа да имаат преглед на сите актуелни огласи за новоотворени работни позиции. Опцијата „Пополни за работа“ која е целосно бесплатна и наменета e токму за оние кои се во потрага по работа или пак промена на работното место со друго.

„Работата со мас-медиуми го издвои проблемот со човечките ресурси како еден од најважните во нашето опкружување. Ниту еден бизнис не може да расте без работна сила, а веруваме и дека секој човек тежнее да најде работа која го исполнува и пристојно заработува.

Токму од овие две причини произлезе идејата за Vrskazarabota.mk која има цел да ги спојува компаниите со барателите на работа, користејќи ги модерните технологии и интернетот.

Платформата е лесно достапна и 90% е автоматизирана за таа намена. Секој барател или вработен кој сака да го промени работното место треба да ја пополни формата „Пополни за работа“ по што се креира ID налог кој се евидентира во системот на баратели. Компаниите или работодавачите кои имаат потреба од вработени при внесување оглас треба да ја пополнат формата „Објави оглас“. Kога ќе се вкрстат внесените параметри, соодветните баратели на работа добиваат известувања преку СМС, електронска пошта па и телефонски повик за крајно приоритетните огласи, дека е отворено ново работно место.

Ја создадовме „Врска за работа“ за да заштеди време, енергија и стрес. Користејќи ја алатката може многу лесно да се решат проблемите околу човечките ресурси, кои се витален дел во остварување на бизнис целите, како и барателите на работа кои преку било кој паметен уред, со неколку клика лесно може да најдат работа.

Се надеваме дека оваа „Врска за работа“ ќе придонесе за подобар развој на бизнисот и намалување на невработеност во нашиот регион“, вели Александар Николоски од M&M Media ДООЕЛ Гостивар, чија сопственост се и „Најпосетуваниот регионален е-медиум – Gostivarpress.mk“ и „Првиот агрегатор на спортски вести во земјава – Cornersport.mk“.

Платформата првично е наменета да ги задоволи потребите во полошкиот регион. Веќе е активен „Промо период“  од 15 дена, во кој сите компании кои имаат потреба може да објават бесплатни и неограничен број на огласи.