Гостивар
Втор ден по ред нема новозаразени со корона во Гостивар, лекарите со апел за внимание на изборните собири
И денес, исто како вчера, нема нови потврдени случаи со коронавирус на подрачјето на Гостивар. Состојбата се стабилизира. Во денешниот извештај за состојбата со ковид во земјава, Гостивар е евидентиран само со оздравени пациенти и тоа вкупно седум. Новодијагностицирани и починати нема. Бројот на активно заразени во регионот опадна на 482. Значително е намален и бројот на хоспитализирани.
На инфективното одделение се лекуваат 9 пациенти. Пет добиваат кислородна поддршка, од нив два се во потешка состојба, информираше д-р Ратко Наумоски, раководител на одделението. Изборната кампања носи ризици поради собирите и партиските активности. Лекарите апелираат за внимание.
„Во моментов треба да се придржуваме на мерките, мислам дека не треба да има големи собири, или кога ќе одржуваат да се држи дистанца. Исто така, пожелно е, иако веќе не е задолжително, луѓето да носат маски и на отворено кога присуствуваат на помасовни собири“, рече д-р Наумоски.
Иако првично беше најавено дека модуларната болница ќе се затвори, таа останува во функција, се додека Министерството за здравство не донесе поинаква одлука. Таму моментално хоспитализирани се двајца ковид пациенти.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар