За четири месеци во Гостивар се родиле 193 бебиња – Ќе има ли пад на наталитетот?

Во првите четири месеци од годинава, бројот на новороденчиња во Гостивар е отприлика ист како и во 2018-та, во тој месечен период. Земајќи ги предвид показателите, гинеколозите се оптимисти дека наталитетот ќе се одржи на стабилно ниво, и дека нема да има некој значителен пад на раѓања.

Податоците покажуваат дека од јануари до април 2019-та година, на гинеколошко-акушерското одделение во општата болница „Ферид Мурад“ во Гостивар се родиле 193 бебиња, додека претходната во истиот период, 199.

„Сакам да потенцирам дека лани и оваа година, на наше задоволство бројката на раѓања е задржана на едно нормално ниво, за разлика од претходно кога имавме опаѓања на наталитетот. За сега, кога се спроведуваат 2018-та и 2019-та има намалување од само седум пациентки родилки, но факт е дека бројката варира од месец на месец, па веруваме дека до крајот на годината ќе го задржиме истото ниво“,вели раководителот на гинеколошко-акушерското одделение во гостиварската болница д-р Агим Јакупи.

Гинеколошко-акушерското одделение во Гостивар ја заокружи минатата година со 674 новородени бебиња.

Според последните анализи на Државниот завод за статистика, просечната возраст на мајките родилки е 28.9 години, а 11.6 % од вкупниот број на живородените деца се вонбрачни.