Гостивар
За четири месеци во гостиварско пријавени над 1.000 вработувања
Според податоците објавени од државната Агенција за вработување, во првите четири месеци од оваа година, во поширокиот гостиварски регион биле регистрирани вкупно 1.075 пријави за засновање на работен однос. Од нив 731 биле на неопределено време, додека останатите времени или сезонски вработувања. Поголемиот дел од оние кои нашле работно место (645) претходно не биле евидентирани на листата на невработени во Агенцијата.
Ова е официјалната статистика за вработувањата од јануари до април 2019, на подрачјето на трите општини: Гостивар, Врапчиште и Маврово-Ростуше. Од Агенцијата за вработување наведуваат дека за едно лице можат да се регистрираат повеќе пријави на засновани работни односи, кои се евидентираат и бројат во вкупниот број на регистрирани пријави.
Споредено со лани, истиот период бројката е поголема за триесетина, додека во споредба со 2017-та бележи пораст од околу 120 повеќе пријави за работни односи.
Ако се земат актуелните показатели, во просек месечно на гостиварското подрачје се остваруваат по околу 270 вработувања.
Инаку на листата на невработени во гостиварско се наоѓаат 6.711 граѓани, од кои 3.859 се од градот Гостивар, 2.852 од селата. Над 700 од невработените чекаат работа повеќе од пет години.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник
-
Видео емисиипред 3 месеци
Емисија: НОВОГОДИШНО „НАРАЧАНО“ ИНТЕРВЈУ со Дедо Мраз | Gostivarpress.mk