За два дена во Гостивар скоро 50 казни за неносење маски

Во текот на изминатото деноноќие, според статистиката на Секторот за внатрешни работи Тетово за неносење заштитни маски на подрачјето на Гостивар на вкупно 30 лица изготвени им се прекршочни платни налози, согласно член 6 од соодветната владина Уредба. Во истиот период Државниот санитарен и здравствен инспекторат издал решение за изолација на едно лице. Контроли им биле извршени на 103 граѓани со вакви решенија и при тоа не било констатирано непочитување на решенијата, соопшти СВР.

Претходното деноноќие поради неносење заштитни маски во Гостивар казнети биле 18 лица. Од полицијата напоменуваат дека секојдневно се на терен и контролираат дали и колку се почитува задолжителното носење заштитна опрема на лицето.