Поврзи се со нас

Култура

За две недели ќе се знаат најдобрите поети на „Литературни искри“

 

Над седумдесет поети со свои стихови конкурирале за награди на овогодинешниот Меѓународен поетски фестивал „Литературни искри“ во Гостивар, чиј носител е Центарот за култура „АСНОМ“. Конкурсот беше затворен пред десетина дена, а првичниот коментар на организаторите е дека и годинава пристигнале квалитетни творби. „Пријавени се автори од сите генерации, темите се различни, очекувано доминира љубовната лирика, но има и стихови кои отвораат филозофски теми, има родољубиви творби. Сега се` е во рацете на жири комисијата, која ќе ги оценува песните и ќе го направи изборот на најдобрите“, велат организаторите на фестивалот.

Освен домашни поети, на конкурсот учествувале и десетина автори од странски земји: Бугарија, Србија, Словенија, Хрватска.

Резултатите се очекува да бидат објавени за околу две недели, а во меѓувреме течат и останатите подготовки за манифестацијата која се организира во чест на 24-ти Мај, Денот на сесловенските просветители. Фестивалот доделува плакети за Гран при, прво, второ и трето место, а се прогласува и најдобар странски автор.

Медиумски покровител на годинешното, четврто по ред издание на „Литературни искри“ е нашиот информативен портал Гостиварпрес

Advertisement
Advertisement
Advertisement
Advertisement
Advertisement

Популарно

error: Содржината е сопственост на Gostivarpess.mk!