За една недела во Гостивар подигнати 70 погрешно паркирани возила

Во период од една недела, колку што траат интензивните контроли во Гостивар насочени кон погрешното паркирање, откриени се седумдесетина вакви прекршоци.

„Најголемиот дел од возилата биле непрописно паркирани на улиците „Илинденска“ , „ЈНА“ и булеварот „Браќа Ѓиноски“, оставени на тротоари, крстосници, во зеленило. Прекршоците се санкционирани со соодветни поднесоци, а освен казната за погрешно паркирање, возачите се должни да платат и надоместок од 1.600 денари за да го подигнат своето возило од плацот на ЈП за паркизни и зеленило“, информираше портпаролот на СВР Тетово, Марјан Јосифоски.

Активностите заеднички ги спроведуваат полицијата и пајак службата на ЈП за паркинзи и зеленило. Целта е да се воспостават безбедносни услови и непречено движење за пешаците, како и за останатите учесници во сообраќајот.