Гостивар
За прв пат сондажно археолошко истражување на Калето кај гостиварското село Равен
Деновиве започнаа работите за археолошко истражување на локалитетот Кале, кај гостиварското село Равен. Калето се наоѓа на околу 1 километар западно од селото, на надморска висина од 790 метри. Ископувањата ќе се одвиваат во период од еден месец и се очекува да одгатнат многу тајни и непознати факти за локалитетот, што понатаму ќе води кон негова заштита.
„Ние всушност правиме еден историски исчекор во гостиварско и ги правиме првите сондажни археолошки истражувања, коишто ќе имаат цел за еден вид на заштита на археолошки локалитети. Како што ни беше проектот во Ѓоновица, истите постапки ги правиме и во Равен на локалитетот Калаја. За наша среќа, во 1953 година бил регистриран како споменик на култура, но тој документ донесен без елаборација, без одредување на вредностите на самиот локалитет. Нашата цел е всушност да направиме еден детален пресек на локалитетот и да му ги дадеме тие историски и културни вредности и со тоа една ревалоризација со која сеопфатно ќе го ставиме локалитетот под заштита.“, објасни д-р Сања И. Велкоска, од Националниот конзерваторски центар.
Проектот е на Конзерваторскиот центар од Гостивар, а во реализацијата учестуваат стручни екипи од Арxеолошкиот Музеј, од Националниот конзерваторски центар, како и истржувачи од катедра по Археологија при Филозофскиот факултет во Скопје.
„Имаме еден навистина добар тим, полн со позитивна енергија, кој работи многу посветено, под под раководство на д-р Сања И. Велкоска, во соработка со Буњамин Џемаили од Археолошкиот Музеј и стручниот консултант од Филозофскиот Факултет проф. д-р Виктор Лилчиќ Адамс, како и надворешните соработници археолози Даниел Ѓорѓиевски и Сали Ислами. Во ископувањата се вклучени и студенти од Институтот за историја на уметноста со археологија“, рече директорот на Конзерваторски центар Гостивар, Муса Селими.
Велкоска вели дека ова е прв чекор во заштита на Калето, но долгорочно ќе се работи, локалитетот не само да биде истражен, туку да се промовира и како атрактивно туристичко место.
Од Конзерваторскиот Центар во Гостивар нагласија дека за проектот добиваат поддршка и имаат добра соработка со месното население и со полицијата.
Проектот финансиски е поддржан од Министерството за култура, во склоп на годишната програма за 2019 година.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник
-
Видео емисиипред 3 месеци
Емисија: НОВОГОДИШНО „НАРАЧАНО“ ИНТЕРВЈУ со Дедо Мраз | Gostivarpress.mk