За првпат во историјата водата се најде на берзата на Вол Стрит

Водата им се приклучи на златото, нафтата и другите стоки со кои се тргува на Вол Стрит, што само покажува колку овој ресурс е ограничен и колку, и покрај овој факт, ние водиме грижа за него.

Од оваа недела, земјоделците, хеџ фондовите, општините ќе можат да се заштитат или да се обложуваат на потенцијален недостиг на вода, бидејќи CME Group Inc. лансира фјучерси (вид договори) за вода на берзата во Калифорнија во вредност од 1,1 милијарда долари. Според компанијата, фјучерсите ќе им помогнат на корисниците на вода подобро да управуваат со ризиците и посоодветно да одговараат на понудата и побарувачката.

Ова навистина не значи дека ќе се тргува со вода за пиење од нашиот водовод, туку со договорите од оваа област. Додека инвеститорите тврдат дека тоа е добар механизам за подобрување на ефикасноста на потрошувачката на вода, аналитичарите велат дека фјучерсите отвораат можност за вештачко покачување на нејзината цена.

Воведувањето на овие „водени“фјучерси на финансискиот пазар беше најавено уште во септември, кога жестоките бранови и пожарите беснееја по западниот брег на САД.

„Климатските промени, сушите, растот на населението и загадувањето најверојатно ќе поттикнат голем пораст на цените на водата во наредните години “, објаснува Дин Дреј, аналитичар и директор на RBC Capital Markets.

Според Bloomberg, снабдувањето со вода е веќе голем проблем за две милијарди луѓе, а во следните неколку години може истото да важи и за две третини од светското население.