За само неколку часа во Гостивар откриени 11 неисправни автобуси и комбиња

Денес во периодот од 8 до 12 часот на подрачјето на Секторот за внатрешни работи спроведена е акциска контрола за техничка исправност на возилата кои вршат јавен превоз на патници, автобуси, такси комбиња и друго.

При контролата откриени се и законски санкционирани се 15 технички неисправни возила, односно возачи и тоа 4 во Тетово и 11 во Гостивар. Најголемиот дел биле со  неисправни сопирачки (ТЕ-3 и ГВ-5). Покрај ова, 5 возила во Гостивар биле со неизвршен технички преглед, едно со некомплетна опрема.

Осумте возила со неисправи сопирачки биле веднаш исклучени од сообраќај, извести СВР. На сите  прекршители им биле изготвени соодветни поднесоци и ќе се соочат со парични глоби, кои се движат од 45 до 400 евра во денарска противвредност.