За сладокусци- Крем колач од банани

Секогаш е добро време за благо. Особено за оние што ги обожаваат десертите. Ако меѓу нив има љубители на вкусот на бананите, овој рецепт многу ќе им се допадне. Крем колач од банани!

Состојки за кора:

7 јајца

7 лажици шеќер

7 лажици брашно

7 лажици мелени ореви

2 лажици какао

прашок за пециво

1 лажица масло

Состојки за фил:

4 банани

700 мил. млеко

8 лажици густин

8 лажици шеќер

200 гр. растопен маргарин

Подготовка: Најпрво разматете ги јајцата со шеќерот, па постепено додавајте ги останатите состојки за кората, при тоа постојано мешајте со миксерот. Кога ќе се соединат убаво, ставете да се испече 20-25 минути во рерна на 180 степени. За тоа време подгответе го филот. Сварете крем од млекото, густинот и шеќерот, а маргаринот додадете го откако кремот ќе се излади и убаво измешајте. Кога кората ќе се излади, исечете ја на два дела. Бананите исечете ги на кругови. Врз првиот дел од кората распоредете го филот, па ставете два реда банани, покријте со второт дел од кората и украсете по желба со глазура од чоколада, шарени трошки, мелени ореви и сл.