За три дена во Гостивар речиси 120 казни за неносење маски

Дел од граѓаните и по повеќе од година дена пандемија и живот во вонредни услови, се‘ уште не ги почитуваат мерките за заштита од коронавирус. Нема дисциплина особено за задолжителното носење на маски на лицето.

Според податоците од Секторот за внатрешни работи Тетово, на подрачјето на Гостивар изминатите три дена за неносење на заштитни маски биле изготвени прекршочни платни налози за вкупно 118 граѓани. Најголемиот број од ваквите казни и натаму се изрекуваат за лица кои се превезуваат со автомобили, а кои не се од исто семејство.

Полицијата го повторува апелот граѓаните да се придржуваат до мерките со кои се  намалува ризикот од ширење на коронавирусот. Предупредуваат да нема групирања и да се користи заштитна опрема на носот и устата.

Казните за неносење маска изнесуваат 20 евра, а доколку се плати на лице место тогаш сумата е 10 евра.