За три месеци, 45 повредени лица во сообраќајки во гостиварско

Статистиката на полицијата бележи пораст на бројот на сообраќајни несреќи во гостиварско во првото тримесечје од годинава. Во јануари, февруари и март регистриранa е 71  несреќа што е 15 повеќе во споредба со истиот период лани.

Жртви за среќа немало, но бројот на повредени не е за занемарување. Седум несреќи завршиле со исто толку тешко повредени, а осумнаесет со 38 полесно повредени лица, меѓу кои имало и пет пешаци. Во 46 била причинета само материјална штета.

Податоците од полицијата покажуваат дека најчеста причина за несреќите како и претходно е брзото возење, по што следуваат недржење страна, неправилно вршење дејствие, недржење растојание и други.

Најмногу од несреќите (38) се случиле во населено место и пред се на гостиварските улици, а преостанатите 33 на отворен пат.