Поврзи се со нас

Гостивар

Заедничко дружење со децата со попречености во Гостивар по повод 3 декември

Светскиот ден на лицата со посебни потреби, 3 декември во Гостивар беше одбележан со дружење и ручек за дечињата со попречености. Настанот, кој на едно место ги собра децата од Дневниот центар и од специјалните паралелки од училиштата, го организираше Општина Гостивар.

„Мислам дека овие деца заслужуваат многу повеќе, без граница, затоа што се деца кои даваат огромна љубов кон семејствата, кон општеството и кон сите нас. Се надевам дека идната година, наместо да го славиме денот во ресторан, тоа ќе го направиме во специјалниот центар којшто е во план да биде отворен. Знаете дека имаме покренато иницијатива, во дел од просториите на бившото приватно училиште „Јахја Кемал“ да отвориме Центар за целодневен престој и третман на деца со различни водови на попречености.“, изјави градоначалникот Арбен Таравари.

Трети декември се одбележува со цел да се подигне свеста за проблемите и предизвиците со кои се соочуваат лицата со попречености. Денот е добра можност да се потенцира кои се потребите и на кој начин може да се подобрат условите за живот на овие граѓани.

„Нашиот центар е со мал капацитет и е сместен во стар објект, поради што имаме огромни проблеми. Очекуваме во соработка со градоначалникот да ги надминеме, да имаме нов современ центар во кој би се згрижиле сите деца за кои има потреба, а седат дома и немаат друго решение за грижа“, рече Арта Арифи, психолог во Дневниот центар во Гостивар.

Во знак на благодарност за организирањето на денешниот настан, дечињата на градоначалникот му подарија слика и новогодишни честитки, коишто самите ги изработиле.

Сподели:
Остави коментар

Напишете коментар

Advertisement
Advertisement
Advertisement
Advertisement

Отворени огласи за вработување во полог:

- Кошаркарски клуб Гостивар А.Д
- VILLA Group DOOEL
- M&M Медија ДООЕЛ Гостивар
Advertisement
Advertisement
Advertisement

Популарно изминативе 100 дена

error: Содржината е сопственост на Gostivarpess.mk!