Заев и Филипче вечерва не дадоа изјави за пожарот по Кризниот штаб во Тетово

Откако се одржа состанокот на Кризниот штаб вечерва во Тетово за трагедијата во модуларната болница, изостанаа официјални изјави од премиерот Зоран Заев и министерот за здравство Венко Филипче. Пред медиумите единствено зборуваше градоначалничката Теута Арифи, но без дополнителни информации и потврда за број на жртви и повредени.

„Да не се шпекулира со бројот на жртвите, додека не се добијат официјални информации. Ова е една сериозна, голема трагедија и другите информации ќе се чекаа кога обвинителите и другите институции ќе ја завршат својата работа. Не можеме да дадеме други информации, додека не се добијат точни, официјални податоци“, рече Арифи.

Претходно Филипче на социјалните мрежи потврди дека во пожарот има најмалку десет жртви.