Гостивар
Загрижувачко аерозагадување во Гостивар, ноќеска ПМ10 честичките 7 пати над граница
Откако беше инсталиран нов мерен инструмент за ПМ10 честички на станицата во Гостивар, речиси и да нема ден без измерено надминување на дозволените граници на овие штетни супстанци во воздухот.
Од 18 декември, кога повторно проработе мерната станица до вчера (3 јануари) без загадување поминале само четири дена. Во останатите, среднодневната концентрација на ПМ10 во воздухот, била на повисоко ниво од 50 микромрами на метар кубен, колку што е лимитот. Од извештајот на Министерството за животна средина за мерењата, може да се забележи дека аерозагадувањето било најголемо на 18 и 31 декември, како и на 3 јануари.
Последните податоци за денес (4 јануари) се од 9 часот наутро. AQI – Air Quality Index, мерка која ја прикажува целокупната загаденост на Европската скала за AQI од 0 до 100, изнесува 76, додека нивото на ПМ10 е 103 мг/м3.
При вакви вредности се смета дека воздухот има над-нормално загадување. Се препорачува да се избегнуваат подолги периоди на отворена површина. На мали деца, стари лица и бремени жени им се препорачува да не излегуваат без посебна потреба.
Аерозагадувањето особено се зголемува во попладневните и вечрните часови. На пример ноќеска, околу полноќ нивото на ПМ10 честички било над 350 микрограми на метар кубен, што е околу 7 пати над дозволената граница.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник
-
Видео емисиипред 3 месеци
Емисија: НОВОГОДИШНО „НАРАЧАНО“ ИНТЕРВЈУ со Дедо Мраз | Gostivarpress.mk