Загрижувачко: Повторно нови случаи на семејно насилство во Гостивар

Изминатото деноноќие регистрирани се два нови случаи на семејно насилство на гостиварското подрачје. Оваа појава зачестува периов и добива загрижувачки размери.

Полицијата соопшти дека ноќеска (6 декември) околу 2 часот после полноќ, полициски службеници на Одделението за внатрешни работи Гостивар го лишиле од слобода 30-годишниот гостиварец Р.С, кој вечерта околу 23 часот физички ја нападнал неговата 27-годишна сопруга.

Тој е задржан во Полициската станица Гостивар за целосно расчистување и документирање на случајот.

Вчеравечер (5 декември) околу 21 часот и 35 минути, полициски службеници на ОВР Гостивар го лишиле од слобода Ј.Н.(50) од Гостивар, кој дента околу 10 часот физички ја нападнал неговата 47-годишна сопруга. Во нападот, според пријавеното, тој користел тврди, а и се заканил и со остри предмети. Ј.Н. задржан е во Полициската станица Гостивар за расчистување и документирање на случајот и ќе се соочи со законски предвидениот поднесок, извести СВР.