Зајакната контрола за брзо возење, во Гостивар 65 казнети

Полициски службеници на СВР Тетово вчера (13 ноември) од 9 до 16 часот на поширокото тетовско-гостиварско подрачје спроведoа зајакната контрола за брзина со која се движат возилата, a во која вкупно биле изречени 207 мерки (ТЕ-145 и ГВ-65).

Сто од мерките се однесувале на пречекорување на максимално дозволената брзина надвор од населено место (ТЕ-50 и ГВ-50). Седум возачи ја пречекориле дозволената брзина за над 70 километри на час (ТЕ-2 и ГВ-5), 25 до 70 километри на час (ТЕ-14 и ГВ-11). Покрај ова, откриени и санкционирани се и 107 пречекорувања на брзината (ТЕ-92 и ГВ-15) во населено место, од кои 3 (ТЕ) за повеќе од 50 километри на час. На возачите-прекршители изготвени им се соодветни поднесоци и тие ќе се соочат со парични глоби, кои зависно од големината на пречекорувањето, се движат од 45 до 400 евра во денарска противвредност, со напомена дека на некои од нив им претстои и времено одземање на возачките дозволи од три месеци до една година. При контролата, исто така, биле санкционирани и 17 други видови сообраќајни прекршоци.

Секторот за внатрешни работи Тетово повторно со апел до возачите да ја прилагодат брзината според условите на патот, дотолку повеќе што последниве денови на подрачјето присутни се магливи утра и вечери и влажни коловози. И не само тоа, туку и дека брзината и годинава е најчеста причина за сообраќајни несреќи, посебно на оние со посеризони последици, односно со загинати или тешко повредени лица.