Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

  • Дата: 07/11/2018

Законот за заштита на животните ќе се менува, експертска група ќе подготви предлози

По трагедијата во која животот го изгуби 17 годишна девојка од гостиварското село Здуње, Владата иницираше измени на Законот за здравствена заштита на животните. Владата ги задолжи Министерството за земјоделство, шумарство и водостопанство заедно со Агенцијата за храна и ветеринарство, со ЗЕЛС, како и во соработка со граѓанските организации за правата на животните, во најкус период да подготви законски измени, за да се надмине проблемот со бездомните кучиња.

Кои делови во законот ќе претрпат измени, се уште не се знае. На подготовката на измените ќе работи еден вид на експерстка работна група.  „Очигледно постои некоја пречка во однос на времетраењето на интервенциите кои што постојат. Но, не сме сите експерти за се, така што очекуваме дека ова ќе биде една вид експертска група составена од сите чинители – институционални, но и граѓански организации. Нема теоретски шанси ова да се одолговлечи многу, решени ени треба брзо, сите сме свесни за тоа“, изјави владиниот портпарол Миле Бошњаковски.

Премиерот Зоран Заев, по трагедијата во Гостивар рече дека законот мора да претрпи измени и да се конкретизираат надлежностите на локалната самоуправа на кој начин ќе ги згрижува кучињата.

Оставете коментар

Вашата Емаил адреса нема да биде објавена.Задолжителните полиња се означени *

*