Заладување и дожд во текот на оваа работна недела во Гостивар

Месец јули продолжува со променливо и нестабилно време, врнежи и заладување.

Денес, понеделник сонцето изгреа во 5 часот и 14 минути, а ќе зајде во 20 часот и 10 минути. Ќе владее делумно сончево време со умерена облачност, која ќе се зголеми во попладневните часови, кога се очекува и појава на дожд. Ќе дува слаб до умерен северен ветер, а температурата ќе се движи од 13 до 25 степени.

За утре (вторник) се прогнозира поголема нестабилност и пад на температурата кој ќе биде од 11 до 21 степен. Се очекуваат пообилни врнежи и грмежи.

Во среда, четврток и петок времето ќе биде променливо облачно, со температури од 13 до 26 степени и умерен ветер од северозападен правец.